4. га̄вӣупама̄суттаван̣н̣ана̄

35. чатуттхе паббатача̄ринӣти пакатийа̄ паббате бахулача̄ринӣ. акхеттан̃н̃ӯти (висуддхи. маха̄т̣ӣ. 1.77) агочаран̃н̃ӯ. сама̄дхипарипанта̄нам̣ висодхана̄набхин̃н̃ата̄йа ба̄ло. джха̄насса пагун̣абха̄ва̄па̄данавеййаттийасса абха̄вена абйатто. упариджха̄насса падат̣т̣ха̄набха̄ва̄навабодхена акхеттан̃н̃ӯ. саббатха̄пи сама̄паттикосалла̄бха̄вена акусало. сама̄дхинимиттасса ва̄ ана̄севана̄йа ба̄ло. абха̄вана̄йа абйатто. абахулӣка̄рена акхеттан̃н̃ӯ. саммадева анадхит̣т̣ха̄нато акусалоти йоджетаббам̣. убхато бхат̣т̣хоти убхайато джха̄нато бхат̣т̣хо. со хи аппагун̣ата̄йа на суппатит̣т̣хитата̄йа саусса̄хопи вина̄сато аса̄маттхийато ча джха̄надвайато парихӣно.

га̄вӣупама̄суттаван̣н̣ана̄ нит̣т̣хита̄.