10. тапуссасуттаван̣н̣ана̄

41. дасаме паккхандатӣти пависати. пасӣдатӣти паса̄дам̣ абхиручим̣ а̄паджджати, патит̣т̣ха̄ти вимуччатӣти аттхо. катха̄па̄бхатанти катха̄йа мӯлам̣. мӯлан̃хи ‘‘па̄бхата’’нти вуччати. йатха̄ха –

‘‘аппакенапи медха̄вӣ, па̄бхатена вичаккхан̣о;

самут̣т̣ха̄пети атта̄нам̣, ан̣ум̣ аггим̣ва сандхама’’нти. (джа̄. 1.1.4);

тенева̄ха ‘‘катха̄па̄бхатанти катха̄мӯла’’нти. витаккаггахан̣енева там̣сахачарито вича̄ропи гахито. теневеттха бахувачананиддесо катоти а̄ха ‘‘витаккесӯти витаккавича̄ресӯ’’ти.

тапуссасуттаван̣н̣ана̄ нит̣т̣хита̄.

маха̄ваггаван̣н̣ана̄ нит̣т̣хита̄.