9. а̄гха̄таваттхусуттаван̣н̣ана̄

29. наваме васати еттха пхалам̣ таннимиттата̄йа паваттатӣти ваттху, ка̄ран̣анти а̄ха ‘‘а̄гха̄таваттхӯнӣ’’ти. копо на̄ма̄йам̣ йасмим̣ ваттхусмим̣ уппаджджати, на таттха екава̄рамева уппаджджати, атха кхо пунапи уппаджджатева̄ти вуттам̣ ‘‘бандхатӣ’’ти. атха ва̄ йо паччайависесена уппаджджама̄но а̄гха̄то сависайе баддхо вийа на вигаччхати, пунапи уппаджджатева. там̣ сандха̄йа̄ха ‘‘а̄гха̄там̣ бандхатӣ’’ти. там̣ панасса паччайавасена ниббаттанам̣ уппа̄данамева̄ти вуттам̣ ‘‘уппа̄детӣ’’ти.

а̄гха̄таваттхусуттаван̣н̣ана̄ нит̣т̣хита̄.