3. кот̣т̣хикасуттаван̣н̣ана̄

13. татийе дит̣т̣хадхаммо вуччати паччаккхабхӯто аттабха̄во, тасмим̣ ведитаббам̣ пхалам̣ дит̣т̣хадхаммаведанӣйам̣. тена̄ха ‘‘имасмим̣йева аттабха̄ве’’ти. чатуппан̃чаккхандхапхалата̄йа сан̃н̃а̄бхавӯпагам̣ каммам̣ бахуведанӣйам̣. екаккхандхапхалатта̄ асан̃н̃а̄бхавӯпагам̣ каммам̣ ‘‘аппаведанӣйа’’нти вуттам̣. кечи пана ‘‘арӯпа̄вачаракаммам̣ бахука̄лам̣ ведитаббапхалатта̄ бахуведанӣйам̣, итарам̣ аппаведанӣйам̣. рӯпа̄рӯпа̄вачаракаммам̣ ва̄ бахуведанӣйам̣, париттам̣ каммам̣ аппаведанӣйа’’нти ваданти. веданӣйанти паччайантарасамава̄йе випа̄куппа̄данасаматтхам̣, на а̄раддхавипа̄камева. аведанӣйанти паччайавекаллена випаччитум̣ асаматтхам̣ ахосикамма̄дибхедам̣.

кот̣т̣хикасуттаван̣н̣ана̄ нит̣т̣хита̄.