4-5. дӣгхаджа̄н̣усутта̄диван̣н̣ана̄

54-55. чатуттхе (дӣ. ни. ат̣т̣ха. 3.265) екена бхоге бхун̃джеййа̄ти екена кот̣т̣ха̄сена бхоге бхун̃джеййа, винибхун̃джеййа ва̄ти аттхо. двӣхи камманти двӣхи кот̣т̣ха̄сехи касиван̣иджджа̄дикаммам̣ пайоджеййа. нидха̄пеййа̄ти чатуттхакот̣т̣ха̄сам̣ нидхетва̄ т̣хапеййа, нидахитва̄ бхӯмигатам̣ катва̄ т̣хапеййа̄ти аттхо. а̄пада̄су бхависсатӣти кула̄нан̃хи на саббака̄лам̣ екасадисам̣ ваттати, када̄чи ра̄джааггичорадуббхиккха̄дивасена а̄пада̄ уппаджджанти, тасма̄ евам̣ а̄пада̄су уппанна̄су бхависсатӣти екам̣ кот̣т̣ха̄сам̣ нидха̄пеййа̄ти вуттам̣. имесу пана чатӯсу кот̣т̣ха̄сесу катарам̣ кот̣т̣ха̄сам̣ гахетва̄ кусалам̣ ка̄таббанти? ‘‘бхоге бхун̃джеййа̄’’ти вуттакот̣т̣ха̄сам̣. тато ган̣хитва̄ хи бхиккхӯнампи капан̣аддхика̄нампи да̄нам̣ да̄таббам̣, песака̄ранха̄пита̄дӣнампи ветанам̣ да̄таббам̣. саман̣абра̄хман̣акапан̣аддхика̄дӣнам̣ да̄навасена чева, адхиваттхадевата̄дӣнам̣ петабаливасена, нха̄пита̄дӣнам̣ ветанавасена ча винийогопи упайого ева.

апенти гаччханти, апента̄ ва̄ етехӣти апа̄йа̄, апа̄йа̄ ева мукха̄ни два̄ра̄нӣти апа̄йамукха̄ни. вина̄садва̄ра̄нӣти еттха̄пи есева найо. пан̃чаме наттхи ваттаббам̣.

дӣгхаджа̄н̣усутта̄диван̣н̣ана̄ нит̣т̣хита̄.