5. да̄рукаммикасуттаван̣н̣ана̄

59. пан̃чаме путтасамба̄дхасайананти путтехи самба̄дхасайанам̣. еттха путтасӣсена да̄рапариггахам̣ путтада̄ресу уппило вийа. тена тесам̣ рога̄дихету сока̄бхибхавена ча читтасса сам̣килит̣т̣хатам̣ дассети. ка̄мабхогина̄ти имина̄ пана ра̄га̄бхибхаванти. убхайенапи виккхиттачиттатам̣ дассети. ка̄сикачандананти уджджалачанданам̣. там̣ кира ван̣н̣ависесасамуджджалам̣ хоти пабхассарам̣, тадаттхамева нам̣ сан̣хатарам̣ каронти. тенева̄ха ‘‘сан̣хачандана’’нти, ка̄сикаваттхан̃ча чанданан̃ча̄ти аттхо. ма̄ла̄гандхавилепананти ван̣н̣асобхаттхан̃чева сугандхабха̄ваттхан̃ча ма̄лам̣, сугандхабха̄ваттха̄йа гандхам̣, чхавира̄гакаран̣аттхан̃чева субхаттхан̃ча вилепанам̣ дха̄рентена. джа̄тарӯпараджатанти суван̣н̣ан̃чева авасит̣т̣хадханан̃ча са̄дийантена. саббенапи ка̄месу абхигиддхабха̄вамева пака̄сети.

да̄рукаммикасуттаван̣н̣ана̄ нит̣т̣хита̄.