9. а̄нандасуттаван̣н̣ана̄

51. наваме тхера̄ бхиккхӯ вихаранти бахуссута̄ а̄гата̄гама̄тиа̄дипа̄л̣ипадесу имина̄ва найена аттхо дат̣т̣хаббо – сӣла̄дигун̣а̄нам̣ тхирабха̄ваппаттийа̄ тхера̄. суттагеййа̄ди баху сутам̣ етесанти бахуссута̄. ва̄чуггатадха̄ран̣ена саммадева гарӯнам̣ сантике а̄гамитабха̄вена а̄гато парийаттидхаммасан̇кха̄то а̄гамо етесанти а̄гата̄гама̄. сутта̄тидхаммасан̇кха̄тасса дхаммасса дха̄ран̣ена дхаммадхара̄. винайадха̄ран̣ена винайадхара̄. тесам̣йева дхаммавинайа̄нам̣ ма̄тика̄йа дха̄ран̣ена ма̄тика̄дхара̄. таттха таттха дхаммапарипуччха̄йа парипуччхати. там̣ аттхапарипуччха̄йа парипан̃хати вӣмам̣сати вича̄рети. идам̣, бханте, катхам̣, имасса кваттхоти парипуччханапан̃хана̄ка̄радассанам̣. а̄виват̣ан̃чева па̄л̣ийа̄ аттхам̣ падесантарапа̄л̣идассанена а̄гамато виваранти. анутта̄нӣкатан̃ча йуттивибха̄ванена утта̄нӣкаронти. кан̇кха̄т̣т̣ха̄нийесу дхаммесу сам̣сайуппаттийа̄ хетуйа̄ ган̣т̣хит̣т̣ха̄набхӯтесу па̄л̣ипадесу йа̄тха̄вато виниччхайада̄нена кан̇кхам̣ пат̣ивиноденти.

а̄нандасуттаван̣н̣ана̄ нит̣т̣хита̄.