5. виджджа̄бха̄гийасуттаван̣н̣ана̄

35. пан̃чаме сампайогавасена виджджам̣ бхаджанти, сахаджа̄таан̃н̃аман̃н̃аниссайасампайуттааттхиавигата̄дипаччайавасена та̄йа саха екӣбха̄вам̣ гаччхантӣти виджджа̄бха̄гийа̄. атха ва̄ виджджа̄бха̄ге виджджа̄кот̣т̣ха̄се ваттанти виджджа̄сабха̄гата̄йа тадекадесе виджджа̄кот̣т̣ха̄се паваттантӣти виджджа̄бха̄гийа̄. таттха випассана̄н̃а̄н̣ам̣, маномайиддхи, чха абхин̃н̃а̄ти ат̣т̣ха виджджа̄. пуримена аттхена та̄хи сампайуттадхамма̄ виджджа̄бха̄гийа̄. паччхимена аттхена та̄су йа̄ ка̄чи ека̄ва виджджа̄ виджджа̄, сеса̄ виджджа̄бха̄гийа̄. евам̣ виджджа̄пи виджджа̄йа сампайуттадхамма̄пи ‘‘виджджа̄бха̄гийа̄’’твева ведитабба̄. идха пана випассана̄н̃а̄н̣асампайутта̄ сан̃н̃а̄ва виджджа̄бха̄гийа̄ти а̄гата̄, сан̃н̃а̄сӣсена сесасампайуттадхамма̄пи вутта̄ ева̄ти дат̣т̣хаббам̣. аничча̄нупассана̄н̃а̄н̣ети аничча̄нупассана̄н̃а̄н̣е ниссайапаччайабхӯте уппаннасан̃н̃а̄, тена сахагата̄ти аттхо. сесесупи есева найо.

виджджа̄бха̄гийасуттаван̣н̣ана̄ нит̣т̣хита̄.