4. химавантасуттаван̣н̣ана̄

24. чатуттхе сама̄паттикусало хотӣти сама̄паджджанакусало хоти. тена̄ха ‘‘сама̄паджджитум̣ кусало’’ти. таттха антогатахетуаттхо т̣хити-саддо, тасма̄ т̣хапанакусалоти аттхоти а̄ха ‘‘сама̄дхим̣ т̣хапетум̣ саккотӣти аттхо’’ти. таттха т̣хапетум̣ саккотӣти саттат̣т̣хааччхара̄маттам̣ кхан̣ам̣ джха̄нам̣ т̣хапетум̣ саккоти адхит̣т̣ха̄навасибха̄васса ниппха̄дитатта̄. йатха̄париччхедена̄ти йатха̄париччхиннака̄лена. вут̣т̣ха̄тум̣ саккоти вут̣т̣ха̄навасибха̄васса ниппха̄дитатта̄. каллам̣ сан̃джа̄там̣ асса̄ти каллитам̣, тасмим̣ каллите каллитабха̄ве кусало каллитакусало. ха̄сетум̣ тосетум̣ сампахам̣сетум̣. каллам̣ ка̄тунти сама̄дха̄насса пат̣ипаккхадхамма̄нам̣ дӯрӣкаран̣ена сахака̄рӣка̄ран̣а̄нан̃ча самаппадха̄нена сама̄паджджане читтам̣ саматтхам̣ ка̄тум̣. сама̄дхисса гочаракусалоти сама̄дхисмим̣ ниппха̄детаббе тасса гочаре каммат̣т̣ха̄насан̃н̃ите паваттит̣т̣ха̄не бхиккха̄ча̄рагочаре сатисампаджан̃н̃айогато кусало чхеко. тена̄ха ‘‘сама̄дхисса асаппа̄йе анупака̄раке дхамме ваджджетва̄’’тиа̄ди. пат̣хамаджджха̄на̄дисама̄дхим̣ абхинӣхаритунти пат̣хамаджджха̄на̄дисама̄дхим̣ висесабха̄гийата̄йа абхинӣхаритум̣ упанетум̣.

химавантасуттаван̣н̣ана̄ нит̣т̣хита̄.