4. мана̄пада̄йӣсуттаван̣н̣ана̄

44. чатуттхе джха̄наманена ниббаттам̣ маномайанти а̄ха ‘‘суддха̄ва̄сесу екам̣ джха̄наманена ниббаттам̣ девака̄йа’’нти. сатипи хи саббасатта̄нам̣ абхисан̇кха̄раманаса̄ ниббаттабха̄ве ба̄хирапаччайехи вина̄ манаса̄ва ниббаттатта̄ ‘‘маномайа̄’’ти вуччанти рӯпа̄вачарасатта̄. йади евам̣ ка̄мабхаве опапа̄тикасатта̄нампи маномайабха̄во а̄паджджатӣти че? на, таттха ба̄хирапаччайехи ниббаттетаббата̄сан̇ка̄йа ева абха̄вато ‘‘манаса̄ва ниббатта̄’’ти авадха̄ран̣а̄самбхавато. нирул̣хо ва̄йам̣ локе маномайавоха̄ро рӯпа̄вачарасаттесу. татха̄ хи ‘‘аннамайо, па̄н̣амайо, маномайо, а̄нандамайо, вин̃н̃а̄н̣амайо’’ти пан̃чадха̄ атта̄нам̣ ведава̄динопи ваданти. уччхедава̄динопи ваданти ‘‘диббо рӯпӣ маномайо’’ти (дӣ. ни. 1.87). тӣсу ва̄ куласампаттӣсӯти бра̄хман̣акхаттийавессасан̇кха̄тесу сампаннакулесу. чхасу ва̄ ка̄масаггесӯти чхасу ка̄ма̄вачарадевесу.

мана̄пада̄йӣсуттаван̣н̣ана̄ нит̣т̣хита̄.