4-5. сӣхасена̄патисутта̄диван̣н̣ана̄

34-35. чатуттхе сандит̣т̣хиканти асампара̄йиката̄йа са̄мам̣ дат̣т̣хаббам̣. сайам̣ анубхавитаббам̣ аттапаччаккхам̣ дит̣т̣хадхаммиканти аттхо. на саддха̄маттакенева тит̣т̣хатӣти ‘‘да̄нам̣ на̄ма са̄дху сундарам̣, буддха̄дӣхи пан̣д̣итехи пасаттха’’нти евам̣ саддха̄маттакенева на тит̣т̣хати. йам̣ да̄нам̣ детӣти йам̣ деййадхаммам̣ парасса дети. тасса пати хутва̄ти таббисайам̣ лобхам̣ сут̣т̣ху абхибхаванто тасса адхипати хутва̄ дети. тена анадхибхаванӣйатта̄ на да̄со на саха̄йоти. таттха тадубхайам̣ анвайато бйатирекато ча дассетум̣ ‘‘йо хӣ’’тиа̄ди вуттам̣. да̄со хутва̄ дети тан̣ха̄да̄сабйасса упагататта̄. саха̄йо хутва̄ дети тасса пийабха̄ва̄виссаджджанато. са̄мӣ хутва̄ дети таттха тан̣ха̄да̄сабйато атта̄нам̣ мочетва̄ абхибхуййа паваттанато. атха ва̄ йо да̄насӣлата̄йа да̄йако пуггало, со да̄не паваттибхедена да̄нада̄со, да̄насаха̄йо, да̄напатӣти типпака̄ро хоти. тадасса типпака̄ратам̣ вибхаджитва̄ дассетум̣ ‘‘йо хӣ’’тиа̄ди вуттам̣. да̄таббат̣т̣хена да̄нам̣, аннапа̄на̄ди.

таттха йам̣ аттана̄ парибхун̃джати, тан̣ха̄дхипанната̄йа тасса васена ваттанато да̄со вийа хоти. йам̣ паресам̣ дӣйати, таттха̄пи аннапа̄наса̄ман̃н̃ена идам̣ вуттам̣ ‘‘да̄насан̇кха̄тасса деййадхаммасса да̄со хутва̄’’ти. саха̄йо хутва̄ дети аттана̄ парибхун̃джитаббасса паресам̣ да̄таббасса ча самасамам̣ т̣хапанато. пати хутва̄ дети сайам̣ деййадхаммасса васе аваттитва̄ тасса аттано васе ватта̄панато. апаро найо – йо аттана̄ пан̣ӣтам̣ парибхун̃джитва̄ паресам̣ нихӣнам̣ дети, со да̄нада̄со на̄ма таннимиттанихӣнабха̄ва̄паттито. йо йа̄дисам̣ аттана̄ парибхун̃джати, та̄дисамева паресам̣ дети, со да̄насаха̄йо на̄ма таннимиттахӣна̄дхикабха̄вавиваджджанена садисабха̄ва̄паттито. йо аттана̄ нихӣнам̣ парибхун̃джитва̄ паресам̣ пан̣ӣтам̣ дети, со да̄напати на̄ма таннимиттасет̣т̣хабха̄ва̄паттито.

ниттеджабхӯто теджаха̄ниппаттийа̄. саха бйати гаччхатӣти сахабйо, сахапаваттанако, тасса бха̄во сахабйата̄, сахапаваттӣти а̄ха ‘‘сахабха̄вам̣ екӣбха̄вам̣ гата̄’’ти. аситасса̄ти ва̄ абандхасса, тан̣ха̄бандханена абандхасса̄ти аттхо. пан̃чамам̣ утта̄намева.

сӣхасена̄патисутта̄диван̣н̣ана̄ нит̣т̣хита̄.