1. суманасуттаван̣н̣ана̄

31. чатуттхасса пат̣хаме сатаккакӯти сатасикхаро, анекакӯт̣оти аттхо. идам̣ тасса маха̄мегхабха̄вадассанам̣. со хи маха̄вассам̣ вассати. тенева̄ха – ‘‘ито чито ча ут̣т̣хитена вала̄хакакӯт̣асатена саманна̄гатоти аттхо’’ти. дассанасампанноти еттха дассанам̣ на̄ма сота̄паттимагго. со хи пат̣хамам̣ нибба̄надассанато ‘‘дассана’’нти вуччати. йадипи там̣ готрабху пат̣хаматарам̣ пассати, дисва̄ пана каттаббакиччасса килесаппаха̄насса акаран̣ато на там̣ ‘‘дассана’’нти вуччати. а̄ваджджанат̣т̣ха̄нийан̃хи там̣ н̃а̄н̣ам̣. маггасса нибба̄на̄рамман̣ата̄са̄ман̃н̃ена четам̣ вуттам̣, на нибба̄наппат̣ивиджджханена, тасма̄ дхаммачаккхум̣ пунаппунам̣ ниббаттанена бха̄ванам̣ аппаттам̣ дассанам̣, дхаммачаккхун̃ча парин̃н̃а̄дикиччакаран̣ена чатусаччадхаммадассанам̣ тадабхисамайоти наттхеттха готрабхусса дассанабха̄ва̄патти. сесаметтха сувин̃н̃еййамева.

суманасуттаван̣н̣ана̄ нит̣т̣хита̄.