7. вассасуттаван̣н̣ана̄

197. саттаме утусамут̣т̣ха̄нанти вассике чатта̄ро ма̄се уппаннам̣. ака̄лепӣти читтавеса̄кхама̄сесупи. вассавала̄хакадевапутта̄нан̃хи аттано ратийа̄ кӣл̣итука̄мата̄читте уппанне ака̄лепи дево вассати. татридам̣ ваттху – еко кира вассавала̄хакадевапутто ва̄каракут̣акава̄сикхӣн̣а̄саваттхерасса сантикам̣ гантва̄ вандитва̄ ат̣т̣ха̄си. тхеро ‘‘коси тва’’нти пуччхи. ахам̣, бханте, вассавала̄хакадевапуттоти. тумха̄кам̣ кира читтена дево вассатӣти. а̄ма, бхантети. пасситука̄ма̄ майанти. темиссатха, бхантети. мегхасӣсам̣ ва̄ гаджджитам̣ ва̄ на пан̃н̃а̄йати, катхам̣ темисса̄ма̄ти. бханте, амха̄кам̣ читтена дево вассати, тумхе пан̣н̣аса̄лам̣ пависатха̄ти. ‘‘са̄дху, девапутта̄’’ти па̄де дховитва̄ пан̣н̣аса̄лам̣ па̄виси. девапутто тасмим̣ пависантейева екам̣ гӣтам̣ га̄йитва̄ хаттхам̣ уккхипи, саманта̄ тийоджанат̣т̣ха̄нам̣ екамегхам̣ ахоси. тхеро аддхатинто пан̣н̣аса̄лам̣ павит̣т̣хоти.

вассасуттаван̣н̣ана̄ нит̣т̣хита̄.