1-4. паттакаммасутта̄диван̣н̣ана̄

61-64. дутийасса пат̣хаме йе анит̣т̣ха̄ на хонти, те ит̣т̣ха̄ти адхиппета̄ти а̄ха ‘‘анит̣т̣хапат̣иккхепена ит̣т̣ха̄’’ти. ит̣т̣ха̄ти ча парийит̣т̣ха̄ ва̄ хоту ма̄ ва̄, ит̣т̣ха̄рамман̣абхӯта̄ти аттхо. гавеситампи хи ит̣т̣ханти вуччати, там̣ идха на̄дхиппетам̣. манети манасмим̣. канта̄ти ва̄ каманӣйа̄, ка̄метабба̄ти аттхо. манам̣ аппа̄йантӣти ит̣т̣хабха̄вена манам̣ вад̣д̣хенти. каммаса̄дхано идха бхога-саддоти а̄ха ‘‘бхога̄ти бхун̃джитабба̄’’тиа̄ди. дхаммӯпагха̄там̣ катва̄ кусаладхаммам̣ винодетва̄. упаниджджха̄йӣйантӣти упаджджха̄йа̄ти а̄ха ‘‘сукхадуккхесу упаниджджха̄йитаббатта̄’’ти, сукхадуккхесу уппаннесу ануссаритаббатта̄ти аттхо. сандит̣т̣хасамбхаттехӣти еттха таттха таттха сан̇гамма дит̣т̣хаматта̄ на̄тидал̣хамитта̄ сандит̣т̣ха̄, сут̣т̣ху бхатта̄ синехаванто дал̣хамитта̄ самбхатта̄.

висамалобханти балавалобхам̣. сукхитанти сан̃джа̄тасукхам̣. пӣн̣итанти дха̄там̣ сухитам̣. татха̄бхӯто пана йасма̄ баласампанно хоти, тасма̄ ‘‘баласампаннам̣ каротӣ’’ти вуттам̣.

собхане ка̄йикава̄часикакамме ратоти сӯрато ука̄расса дӣгхам̣ катва̄, тасса бха̄во сораччам̣, ка̄йикава̄часико авӣтиккамо. со пана аттхато сусӣлабха̄воти а̄ха ‘‘кхантисорачче нивит̣т̣ха̄ти адхива̄санаккхантийан̃ча сусӣлата̄йа ча нивит̣т̣ха̄’’ти. екаматта̄нанти екам̣ читтанти аттхо. ра̄га̄дӣнан̃хи пуббабха̄гийам̣ дамана̄ди паччекам̣ иччхитаббам̣, на маггаккхан̣е вийа екаджджхам̣ пат̣исан̇кха̄намукхена паджаханато. екаматта̄нанти ва̄ вивекавасена екам̣ ека̄кинам̣ атта̄нам̣. тенева̄ха ‘‘екам̣ аттанова аттабха̄ва’’нтиа̄ди. упарӯпарибхӯмӣсӯти чхака̄масаггасан̇кха̄та̄су упарӯпарика̄мабхӯмӣсу. каммасса пхалам̣ аггам̣ на̄ма. там̣ панеттха уччага̄мӣти а̄ха ‘‘уддхамаггамасса̄’’ти. сувагге нийутта̄, суваггаппайоджана̄ти ва̄ соваггика̄. дасаннам̣ висеса̄нанти диббаа̄йуван̣н̣айасасукхаа̄дхипатеййа̄нан̃чева ит̣т̣харӯпа̄дӣнан̃ча пхалависеса̄нам̣. ван̣н̣аггахан̣ена четтха сако аттабха̄ваван̣н̣о гахито, рӯпаггахан̣ена бахиддха̄ рӯпа̄рамман̣ам̣. дутийататийачатуттха̄ни утта̄наттха̄нева.

паттакаммасутта̄диван̣н̣ана̄ нит̣т̣хита̄.