1. чаккасуттаван̣н̣ана̄

31. чатуттхасса пат̣хаме чатта̄ри чакка̄нӣти еттха чаккам̣ на̄ма да̄ручаккам̣, ратаначаккам̣, дхаммачаккам̣, ирийа̄патхачаккам̣, сампаттичакканти пан̃чавидхам̣. таттха ‘‘йам̣ панидам̣, самма, ратхака̄рачаккам̣ чхахи ма̄сехи нит̣т̣хитам̣ чха̄раттӯнехӣ’’ти (а. ни. 3.15) идам̣ да̄ручаккам̣. ‘‘питара̄ паваттитам̣ чаккам̣ ануваттетӣ’’ти (сам̣. ни. 1.215) идам̣ ратаначаккам̣. ‘‘майа̄ паваттитам̣ чакка’’нти (су. ни. 562; бу. вам̣. 27.17; джа̄. 1.1.104; 1.5.100, 103) идам̣ дхаммачаккам̣. ‘‘чатучаккам̣ навадва̄ра’’нти (сам̣. ни. 1.29, 109) идам̣ ирийа̄патхачаккам̣. ‘‘чатта̄рима̄ни, бхиккхаве, чакка̄ни йехи саманна̄гата̄нам̣ деваманусса̄нам̣ чатучаккам̣ паваттатӣ’’ти (а. ни. 4.31) идам̣ сампаттичаккам̣. идха̄пи етадева адхиппетанти а̄ха ‘‘чатта̄ри сампаттичакка̄ни ваттантӣ’’ти. ануччхавике десети пун̃н̃акирийа̄йа самма̄пат̣ипаттийа̄ анурӯпадесе. севанам̣ ка̄лена ка̄лам̣ упасан̇каманам̣. бхаджанам̣ бхаттивасена пайирупа̄санам̣. аттано самма̄ т̣хапананти аттано читтасанта̄насса йонисо т̣хапанам̣. саддха̄дӣсу нивесананти а̄ха ‘‘саче’’тиа̄ди. идамева четтха пама̄н̣анти идамева пуббекатапун̃н̃ата̄сан̇кха̄там̣ сампаттичаккам̣ ева етесу сампаттичаккесу пама̄н̣абхӯтам̣ итаресам̣ ка̄ран̣абха̄вато. тена̄ха ‘‘йена хӣ’’тиа̄ди. со ева ча катапун̃н̃о пуггало атта̄нам̣ самма̄ т̣хапети акатапун̃н̃асса тадабха̄вато.

чаккасуттаван̣н̣ана̄ нит̣т̣хита̄.