9. дхаммападасуттаван̣н̣ана̄

29. наваме джха̄на̄дибхедо дхаммо паджджати етена̄ти дхаммападам̣, анабхиджджха̄ва дхаммападам̣ анабхиджджха̄дхаммападам̣, анабхиджджха̄падха̄но ва̄ дхаммакот̣т̣ха̄со анабхиджджха̄дхаммападам̣. евам̣ сесесупи. аттхато пана анабхиджджха̄дхаммападам̣ на̄ма алобхо ва̄ алобхасӣсена адхигатаджджха̄навипассана̄маггапхаланибба̄на̄ни ва̄. абйа̄па̄до дхаммападам̣ на̄ма метта̄ ва̄ метта̄сӣсена адхигатаджджха̄на̄дӣни ва̄. самма̄сатидхаммападам̣ на̄ма сӯпат̣т̣хитассати ва̄ сатисӣсена адхигатаджджха̄на̄дӣни ва̄. самма̄сама̄дхидхаммападам̣ на̄ма ат̣т̣хасама̄патти ва̄ ат̣т̣хасама̄паттисӣсена адхигатаджджха̄навипассана̄маггапхаланибба̄на̄ни ва̄. дасаасубхавасена ва̄ адхигатаджджха̄на̄дӣни анабхиджджа̄ дхаммападам̣. чатубрахмавиха̄равасена адхигата̄ни абйа̄па̄до дхаммападам̣. даса̄нуссати а̄ха̄репат̣икӯласан̃н̃а̄васена адхигата̄ни самма̄сатидхаммападам̣. дасакасин̣аа̄на̄па̄навасена адхигата̄ни самма̄сама̄дхидхаммападам̣. анабхиджджха̄лӯти анабхиджджха̄йанасӣло. абхипуббо джхесаддо абхиджджха̄йанат̣т̣хо. тенева̄ха ‘‘ниттан̣хо хутва̄’’ти. пакатибха̄вам̣ авиджахантена̄ти парисуддхабха̄вам̣ сабха̄васан̇кха̄таанаваджджасан̇кха̄там̣ пакатибха̄вам̣ авиджахантена. са̄ваджджадхаммасамуппаттийа̄ хи читтасса анаваджджабха̄во джахито хотӣти.

дхаммападасуттаван̣н̣ана̄ нит̣т̣хита̄.