4. сам̣варасуттаван̣н̣ана̄

14. чатуттхе сам̣вара̄дӣнам̣ са̄дханавасена падахати етехӣти падха̄на̄ни. сам̣варантасса уппаннавӣрийанти йатха̄ абхиджджха̄дайо на уппаджджанти, евам̣ сатийа̄ упат̣т̣ха̄не чаккха̄дӣнам̣ пидахане аналасасса уппаннавӣрийам̣. паджахантасса̄ти винодентасса. уппаннавӣрийанти тассева паха̄насса са̄дханавасена паваттавӣрийам̣. бха̄вентасса уппаннавӣрийанти еттха̄пи есева найо. сама̄дхинимиттанти сама̄дхи ева. пуримуппаннасама̄дхи хи парато уппаджджанакасама̄дхисса ка̄ран̣ам̣ хотӣти ‘‘сама̄дхинимитта’’нти вуттам̣.

упадхививекатта̄ти кхандхӯпадхиа̄диупадхӣхи вивиттатта̄ виниссат̣атта̄. там̣ а̄гамма̄ти там̣ нибба̄нам̣ маггена адхигамахету. ра̄га̄дайо вираджджанти еттха, етена̄ти вира̄го. евам̣ ниродхопи дат̣т̣хаббо. йасма̄ идха боджджхан̇гамиссакавасена иччхита̄, тасма̄ ‘‘а̄рамман̣авасена ва̄ адхигантаббавасена ва̄’’ти вуттам̣. таттха адхигантаббавасена̄ти таннинната̄васена. воссаггапарин̣а̄минти воссаггавасена парин̣а̄митам̣ париччаджанавасена чева паккханданавасена ча парин̣а̄манасӣлам̣. тена̄ха ‘‘две воссагга̄’’тиа̄ди. кхандха̄нам̣ париччаджанам̣ на̄ма таппат̣ибаддхакилесаппаха̄навасена̄ти йена̄ка̄рена випассана̄ килесе паджахати, тенева̄ка̄рена таннимиттаккхандхе ча паджахатӣти ваттаббатам̣ арахатӣти а̄ха ‘‘випассана̄…пе… париччаджатӣ’’ти. йасма̄ випассана̄ вут̣т̣ха̄нага̄минибха̄вам̣ па̄пун̣антӣ ниннапон̣апаббха̄рабха̄вена екам̣сато нибба̄нам̣ паккхандатӣти ваттаббатам̣ лабхати, магго ча самуччхедавасена килесе кхандхе ча ра̄гам̣ париччаджати, тасма̄ йатха̄ккамам̣ випассана̄магга̄нам̣ васена паккханданапаричча̄гавоссагга̄ ведитабба̄. восаггаттха̄йа̄ти паричча̄гавоссаггаттха̄йа чева паккханданавоссаггаттха̄йа ча. парин̣аматӣти париччаджати. там̣ пана парин̣а̄манам̣ вут̣т̣ха̄нага̄минибха̄ваппаттийа̄ чева арийамаггабха̄ваппаттийа̄ ча иччхитанти а̄ха ‘‘випассана̄бха̄ван̃ча маггабха̄ван̃ча па̄пун̣а̄тӣ’’ти. сесападесӯти ‘‘дхаммавичайасамбоджджхан̇гам̣ бха̄ветӣ’’тиа̄дӣсу сесасамбоджджхан̇гакот̣т̣ха̄сесу.

бхаддаканти абхаддака̄нам̣ нӣваран̣а̄дипа̄падхамма̄нам̣ виккхамбханена ра̄гавигаманена екантахитатта̄ дуллабхатта̄ ча бхаддакам̣ сундарам̣. на хи ан̃н̃ам̣ сама̄дхинимиттам̣ евам̣ дуллабхам̣ ра̄гасса уджувипаччанӣкабхӯтам̣ аттхи. анураккхатӣти еттха анураккхана̄ на̄ма адхигатасама̄дхито йатха̄ париха̄ни на хоти, евам̣ пат̣ипаттиса̄сана-таппат̣ипаккхавигаманена̄ти а̄ха ‘‘сама̄дхӣ’’тиа̄ди. ат̣т̣хикасан̃н̃а̄дика̄ти ат̣т̣хикаджджха̄на̄дика̄. сан̃н̃а̄сӣсена хи джха̄нам̣ вадати. сесаметтха утта̄намева.

сам̣варасуттаван̣н̣ана̄ нит̣т̣хита̄.