9. бхиккхунӣсуттаван̣н̣ана̄

159. наваме евам̣ паваттам̣ паччуппаннатан̣хам̣ нисса̄йа̄ти ‘‘куда̄ссу на̄ма̄хампи а̄сава̄нам̣ кхайа̄’’тиа̄дина̄ найена ануттаре вимоккхе пихам̣ уппа̄дентасса уппаннатан̣хам̣ нисса̄йа. катхам̣ пана локуттарадхамме а̄раббха а̄са̄ уппаджджатӣти? на кхо панетам̣ евам̣ дат̣т̣хаббам̣, на а̄рамман̣акаран̣авасена таттха пиха̄ паваттати ависайатта̄ пуггаласса ча анадхигатабха̄вато. ануссавӯпаладдхе пана ануттаравимоккхе уддисса пихам̣ уппа̄денто таттха пихам̣ уппа̄дети на̄ма. на̄кад̣д̣хатӣти каммапатхабха̄вам̣ аппаттата̄йа пат̣исандхим̣ на дети. сесам̣ сувин̃н̃еййамева.

бхиккхунӣсуттаван̣н̣ана̄ нит̣т̣хита̄.