7. мӯсикасуттаван̣н̣ана̄

107. саттаме а̄ва̄т̣ам̣ кханатӣти аттано а̄сайам̣ билакӯпам̣ кханати. на ча таттха васатӣти таттха аваситва̄ кисмин̃чидева т̣ха̄не васати, евам̣ бил̣а̄ра̄диамиттавасам̣ гаччхати. васита̄ но га̄дхам̣ катта̄ти сайам̣ на кханати, парена кате биле васати, евам̣ джӣвитам̣ раккхати. татийа̄ двепи каронтӣ джӣвитам̣ раккхати. чатуттхӣ двепи акаронтӣ амиттавасам̣ гаччхати. има̄йа пана упама̄йа упамитесу пуггалесу пат̣хамо йатха̄ са̄ мӯсика̄ га̄дхам̣ кханати, евам̣ наван̇гам̣ саттхуса̄санам̣ угган̣ха̄ти. йатха̄ пана са̄ таттха на васати, кисмин̃чидева т̣ха̄не васантӣ амиттавасам̣ гаччхати, татха̄ айампи парийаттивасена н̃а̄н̣ам̣ песетва̄ чатусаччадхаммам̣ на пат̣ивиджджхати, лока̄мисат̣т̣ха̄несу вичаранто маччума̄ракилесама̄радевапуттама̄расан̇кха̄та̄нам̣ васам̣ гаччхати. дутийо йатха̄ мӯсика̄ га̄дхам̣ на кханати, евам̣ наван̇гам̣ саттхуса̄санам̣ на угган̣ха̄ти. йатха̄ пана парена кханите биле васантӣ джӣвитам̣ раккхати, евам̣ парасса катхам̣ сутва̄ чатусаччадхаммам̣ пат̣ивиджджхитва̄ тин̣н̣ам̣ ма̄ра̄нам̣ васам̣ атиккамати. имина̄ найена татийачатуттхесупи опаммасам̣санданам̣ ведитаббам̣.

мӯсикасуттаван̣н̣ана̄ нит̣т̣хита̄.