1. пат̣хамадвебра̄хман̣асуттаван̣н̣ана̄

52. бра̄хман̣аваггасса пат̣хаме джара̄джин̣н̣а̄ти джара̄васена джин̣н̣а̄, на бйа̄дхиа̄дӣнам̣ васена джин̣н̣асадисатта̄ джин̣н̣а̄. вайовуддха̄ти вайасо вуддхиппаттийа̄ вуддха̄, на сӣла̄дивуддхийа̄. джа̄тимахаллака̄ти джа̄тийа̄ махантата̄йа чирараттан̃н̃ута̄йа джа̄тимахаллака̄. тайо аддхе атикканта̄ти пат̣хамо, маджджхимо, паччхимоти тайо аддхе атӣта̄. татийам̣ вайам̣ ануппатта̄ти тато ева паччхимам̣ вайам̣ ануппатта̄. акатабхайапаритта̄н̣а̄ти еттха бхайапаритта̄н̣анти дуггатибхайато паритта̄йакам̣ пун̃н̃ам̣, там̣ акатам̣ етехӣти акатабхайапаритта̄н̣а̄. патит̣т̣ха̄камманти сугатисан̇кха̄таппатит̣т̣ха̄вахам̣ каммам̣. упасам̣харӣйатӣти сампа̄пӣйати. ‘‘упанӣйатӣ’’ти вуттам̣, ким̣ кена упанӣйатӣти а̄ха ‘‘айан̃хи джа̄тийа̄ джарам̣ упанӣйатӣ’’тиа̄ди. айанти локо. джа̄то на джа̄табха̄венева тит̣т̣хати, атха кхо тато парам̣ джарам̣ па̄пӣйати, джара̄йа бйа̄дхим̣ па̄пӣйати. евам̣ парато парам̣ дуккхамева упанӣйати.

та̄йанат̣т̣хена̄ти раккханат̣т̣хена. нилӣйанат̣т̣хена̄ти нилӣнат̣т̣ха̄набха̄вена. патит̣т̣ха̄нат̣т̣хена̄ти патит̣т̣ха̄набха̄вена. авассайанат̣т̣хена̄ти авассайитаббабха̄вена. уттамагативасена̄ти парамагатибха̄вена.

пат̣хамадвебра̄хман̣асуттаван̣н̣ана̄ нит̣т̣хита̄.