5. пан̣д̣итасуттаван̣н̣ана̄

45. пан̃чаме пан̣д̣итапан̃н̃атта̄нӣти пан̣д̣итехи пат̣хамам̣ пан̃н̃атта̄ни. катхита̄нӣти сеййасо катхита̄ни. маха̄пурисехӣти буддхабодхисаттехи. карун̣а̄ти карун̣а̄четовимутти вутта̄. пуббабха̄готи тасса упача̄ро. дамоти индрийасам̣варо ‘‘маначчхат̣т̣ха̄нам̣ индрийа̄нам̣ дамана’’нти катва̄. аттадамананти читтадаманам̣. пун̣н̣ова̄де (ма. ни. 3.396) ‘‘саккхиссаси кхо, твам̣ пун̣н̣а, имина̄ дамӯпасамена̄’’ти а̄гататта̄ дамоти вутта̄ кхантипи. а̄л̣аваке а̄л̣авакасутте (сам̣. ни. 1.246; су. ни. 190) ‘‘сачча̄ дама̄ ча̄га̄’’ти евам̣ вутта̄ пан̃н̃а̄пи имасмим̣ сутте ‘‘дамо’’ти ваттум̣ ват̣т̣ати. раккханам̣ гопанам̣ пат̣иджаггананти ма̄та̄питӯнам̣ манусса̄мануссакатӯпаддавато раккханам̣, бйа̄дхиа̄дианаттхато гопанам̣, гха̄саччха̄дана̄дӣхи веййа̄ваччакаран̣ена пат̣иджагганам̣. санто на̄ма саббакилесадаратхапарил̣а̄хӯпасамена упасантака̄йавачӣсама̄ча̄рата̄йа ча. уттамат̣т̣хена санта̄нанти маттеййата̄дӣхи сет̣т̣хат̣т̣хена санта̄нам̣.

идха имесам̣йева тин̣н̣ам̣ т̣ха̄на̄нам̣ каран̣ена̄ти имасмим̣ сутте а̄гата̄нам̣ тин̣н̣ам̣ т̣ха̄на̄нам̣ каран̣ена ниббаттанена. ета̄ни…пе… ка̄ран̣а̄нӣти ма̄тупат̣т̣ха̄нам̣ питупат̣т̣ха̄нанти ета̄ни две уттамапуриса̄нам̣ ка̄ран̣а̄ни. уттамакиччакаран̣ена хи ма̄та̄питуупат̣т̣ха̄ка̄ ‘‘уттамапуриса̄’’ти вутта̄. тена̄ха ‘‘ма̄та̄питу…пе… вутто’’ти. анупаддавабха̄вена кхемам̣.

пан̣д̣итасуттаван̣н̣ана̄ нит̣т̣хита̄.