11. маха̄чорасуттаван̣н̣ана̄

51. ека̄дасаме маха̄балавачоро маха̄чороти а̄ха ‘‘маханто балавачоро’’ти. балавачороти ча маха̄тха̄мата̄йа маха̄парива̄рата̄йа маха̄чорийакаммасаматтхата̄йа ча ведитаббо. махатам̣ га̄манигама̄нам̣ вилуппанам̣ маха̄вилопо. там̣ там̣ ка̄ран̣ам̣ паккхипитва̄ти там̣ там̣ акаран̣амева ка̄ран̣ам̣ катва̄ таппат̣ибаддха̄йа катха̄йа паккхипитва̄. аттхам̣ катхайиссантӣти тасса тасса аттхан̃ча катхайиссанти. харанта̄ти апанента̄ парихаранта̄. дасаваттхука̄йа̄ти ‘‘сассато локо’’ти (ма. ни. 1.269) а̄дидасаваттхусанниссита̄йа. антам̣ гахетва̄ т̣хитадит̣т̣хийа̄ти тамева сассата̄диантам̣ гахетва̄ ависсаджджетва̄ т̣хитадит̣т̣хийа̄.

маха̄чорасуттаван̣н̣ана̄ нит̣т̣хита̄.

чӯл̣аваггаван̣н̣ана̄ нит̣т̣хита̄.

пат̣хамапан̣н̣а̄сакам̣ нит̣т̣хитам̣.