9. андхасуттаван̣н̣ана̄

29. наваме андхотиа̄дӣсу па̄л̣ипадесу пат̣хамо дит̣т̣хадхаммикабхогасам̣харан̣апан̃н̃а̄чаккхуно ча сампара̄йикаттхаса̄дханапан̃н̃а̄чаккхуно ча абха̄ва̄ ‘‘андхо’’ти вуччати дутийопи, татийо пана двиннампи бха̄ва̄ ‘‘двичаккхӯ’’ти вуччати. пан̃н̃а̄чаккхӯти а̄йакосаллабхӯта̄ пан̃н̃а̄чаккху. тена̄ха ‘‘пха̄тим̣ кареййа̄’’ти. адхамуттамети адхаме чева уттаме ча. пат̣ипаккхавасена̄ти пат̣ипаккхасса аттхита̄васена. суккасаппат̣ибха̄га̄ти суккадхаммехи паха̄йакехи саппат̣ибха̄га̄ти джа̄неййа. кан̣хасаппат̣ибха̄га̄ти кан̣хадхаммехи паха̄таббехи саппат̣ибха̄га̄ти джа̄неййа.

татха̄джа̄тика̄ти йа̄дисехи сапуттада̄рапариджанасан̃а̄тимиттабандхаваггам̣ атта̄нам̣ сукхети пӣн̣ети, та̄диса̄ бхога̄пи на санти. пун̃н̃а̄ни ча на каротӣти саман̣абра̄хман̣акапан̣аддхикайа̄чака̄нам̣ сантаппанавасена пун̃н̃а̄ни на кароти. убхайаттха̄ти убхайасмим̣ локе, убхайасмим̣ ва̄ аттхети виггахоти дассенто ‘‘идхалоке’’тиа̄дима̄ха. убхайена̄ти вуттаматтхам̣ йоджетва̄ дассетум̣ ‘‘катха’’нтиа̄ди вуттам̣. йасмим̣ т̣ха̄нети йасмим̣йева т̣ха̄не. на сочатӣти сокахетӯнам̣ таттха абха̄вато на сочати.

андхасуттаван̣н̣ана̄ нит̣т̣хита̄.