7. джигуччхитаббасуттаван̣н̣ана̄

27. саттаме аббхуггаччхатӣти еттха абхи-садда̄пеккха̄йа ‘‘на’’нти са̄миаттхе упайогавачананти а̄ха ‘‘асса̄’’ти ‘‘там̣ кхо пана бхаванта’’нтиа̄дӣсу вийа. па̄пако киттисаддоти ла̄макабха̄вена катхетаббасаддо. гӯтхакӯпо вийа дуссӣлйанти етена дуссӣласса гӯтхасадисаттамева дассети. вачананти анит̣т̣хавачанам̣. пуриманайенева̄ти ‘‘гӯтхакӯпо вийа дуссӣлйа’’нтиа̄дина̄ пуббе вуттанайена. сучимиттоти сӣла̄ча̄расуддхийа̄ сучимитто. саха айанти паваттантӣти саха̄йа̄ти а̄ха ‘‘сахага̄мино’’ти.

джигуччхитаббасуттаван̣н̣ана̄ нит̣т̣хита̄.