5. ваджирӯпамасуттаван̣н̣ана̄

25. пан̃чаме аруити пура̄н̣ам̣ дут̣т̣хаван̣ам̣ вуччати. ка-ка̄ро падасандхикароти арукӯпамам̣ читтам̣ етасса̄ти арукӯпамачитто аппаматтакассапи дуккхасса асаханато. сесапададвайепи есева найо. иттарака̄лобха̄сена̄ти париттамева ка̄ло н̃а̄н̣обха̄савирахена. лагатӣти кодха̄сан̇гавасена куппанто пуггало саммукха̄, ‘‘ким̣ вадасӣ’’тиа̄дина̄ параммукха̄ ча упанайханавасена лагати, на тан̣ха̄сан̇гавасена. куппатӣти куджджхати. бйа̄паджджатӣти випанначитто хоти. тхаддхабха̄вам̣ а̄паджджати ӣсакампи мудутта̄бха̄вато. дут̣т̣ха̄рукоти мам̣салохита̄нам̣ дут̣т̣хабха̄вена пакатибха̄вам̣ джахитва̄ т̣хито дут̣т̣хаван̣о. ‘‘дут̣т̣ха̄рута̄’’типи пат̣ханти, таттха̄пи та̄ка̄ро падасандхикаро.

тасса̄ти дут̣т̣ха̄рукасса. савананти асучивисанданам̣. уддхума̄тасса вийа̄ти кодхена уддхам̣ уддхам̣ дхума̄такасса вийа кодхӯпа̄йа̄сасса ависсаджджанато. чан̣д̣икатасса̄ти купитасса. еттха ча кин̃ча̄пи хет̣т̣химамаггаваджджха̄пи килеса̄ техи ануппаттидхамматам̣ а̄па̄дитатта̄ самуччхинна̄, татха̄пи тасмим̣ санта̄не аггамаггасса ануппаннатта̄ таттха аппахӣна̄пи килеса̄ аттхева̄ти катва̄ тесам̣ н̃а̄н̣а̄нам̣ виджджӯпамата̄ вутта̄, на техи маггехи пахӣна̄нам̣ килеса̄нам̣ аттхибха̄ватоти дат̣т̣хаббам̣.

ваджирӯпамасуттаван̣н̣ана̄ нит̣т̣хита̄.