5-10. кесакамбаласутта̄диван̣н̣ана̄

138-143. пан̃чаме танта̄вута̄нам̣ ваттха̄нанти идам̣ ‘‘йа̄ни ка̄ничӣ’’ти имина̄ сама̄на̄дхикаран̣анти а̄ха ‘‘паччатте са̄мивачана’’нти. ва̄йита̄нанти вӣта̄нам̣. ла̄макоти нихӣно, маккхали могхапурисоти еттха маккхалӣти тасса на̄мам̣. там̣ кира сакаддама̄йа бхӯмийа̄ телагхат̣ам̣ гахетва̄ гаччхантам̣, ‘‘та̄та, ма̄ кхалӣ’’ти са̄мико а̄ха. со пама̄дена кхалитва̄ патитва̄ са̄микасса бхайена пала̄йитум̣ а̄раддхо. са̄мико упадха̄витва̄ нам̣ дуссакан̣н̣е аггахеси, са̄т̣акам̣ чхад̣д̣етва̄ ачелако хутва̄ пала̄йи. со пан̣н̣ена ва̄ тин̣ена ва̄ пат̣иччха̄детумпи аджа̄нанто джа̄тарӯпенева екам̣ га̄мам̣ па̄виси. манусса̄ там̣ дисва̄ ‘‘айам̣ саман̣о араха̄ аппиччхо, наттхи имина̄ садисо’’ти пӯвабхатта̄дӣни гахетва̄ упасан̇каманти. со ‘‘майхам̣ са̄т̣акам̣ аниваттхабха̄вена идам̣ уппанна’’нти тато пат̣т̣ха̄йа са̄т̣акам̣ лабхитва̄пи на нива̄сеси, тадева ча паббаджджам̣ аггахеси. тасса сантике ан̃н̃епи ан̃н̃епӣти пан̃часата̄ манусса̄ паббаджим̣су. там̣ сандха̄йа̄ха ‘‘маккхали могхапурисо’’ти. чхат̣т̣ха̄дӣни утта̄наттха̄ни ева.

кесакамбаласутта̄диван̣н̣ана̄ нит̣т̣хита̄.