1-2. кусина̄расутта̄диван̣н̣ана̄

124-125. татийасса пат̣хаме тан̣ха̄гедхена гатхитоти тан̣ха̄бандханена баддхо. тан̣ха̄муччхана̄йа̄ти тан̣ха̄йа васена муччха̄паттийа̄. муччхитоти муччхам̣ мохам̣ пама̄дам̣ а̄панно. аджджхопанноти адхиопанно. тан̣ха̄йа адхибхавитва̄ аджджхоттхат̣о гилитва̄ паринит̣т̣хапетва̄ вийа т̣хито. тена̄ха ‘‘аджджхопанноти тан̣ха̄йа гилитва̄ паринит̣т̣хапетва̄ паватто’’ти. ана̄дӣнавадасса̄вӣти гатхита̄дибха̄вена парибхоге а̄дӣнаваматтампи на пассати. ниссаран̣апан̃н̃оти айаматтхо а̄ха̄рапарибхогети таттха пайоджанапариччхедика̄ ‘‘йа̄вадева имасса ка̄йасса т̣хитийа̄’’тиа̄дина̄ (ма. ни. 1.23; 2.24; 3.75; сам̣. ни. 4.120; а. ни. 6.58; 8.9) паватта̄ а̄ха̄рапат̣ибаддхачхандара̄ганиссаран̣абхӯта̄ пан̃н̃а̄ асса аттхӣти ниссаран̣апан̃н̃о. сесаметтха утта̄намева. дутийе наттхи ваттаббам̣.

кусина̄расутта̄диван̣н̣ана̄ нит̣т̣хита̄.