3. сарадасуттаван̣н̣ана̄

95. татийе виддхети дӯрӣбхӯте. дӯрабха̄во ча а̄ка̄сасса вала̄хакавигамена хотӣти а̄ха ‘‘вала̄хакавигамена дӯрӣбхӯте’’ти. тенева хи ‘‘виддхе вигатавала̄хаке’’ти вуттам̣. набхам̣ аббхуссаккама̄ноти а̄ка̄сам̣ абхилан̇гханто. имина̄ тарун̣асӯрийабха̄во дассито. на̄тидӯродите хи а̄дичче тарун̣асӯрийасаман̃н̃а̄. дувидхамевасса сам̣йоджанам̣ наттхӣти орамбха̄гийауддхамбха̄гийавасена дувидхампи сам̣йоджанам̣ асса пат̣хамаджджха̄нала̄бхино арийаса̄вакасса наттхи. касма̄ панасса уддхамбха̄гийасам̣йоджанампи наттхӣти вуттам̣. орамбха̄гийасам̣йоджана̄намева хеттха паха̄нам̣ вуттанти а̄ха ‘‘итарампӣ’’тиа̄ди, итарам̣ уддхамбха̄гийасам̣йоджанам̣ пуна имам̣ локам̣ пат̣исандхивасена а̄нетум̣ асаматтхата̄йа наттхӣти вуттанти аттхо. джха̄нала̄бхино хи саббепи арийа̄ брахмалокӯпапанна̄ хет̣т̣ха̄ на уппаджджанти, уддхам̣ уддхам̣ уппаджджанта̄пи вехаппхалам̣ аканит̣т̣хам̣ бхавагган̃ча патва̄ на пунан̃н̃аттха джа̄йанти, таттха таттхева арахаттам̣ патва̄ паринибба̄йанти. тенева̄ха ‘‘имасмим̣ сутте джха̄на̄на̄га̄мӣ на̄ма катхито’’ти. джха̄навасена хи хет̣т̣ха̄ на а̄гаччхатӣти джха̄на̄на̄га̄мӣ.

сарадасуттаван̣н̣ана̄ нит̣т̣хита̄.