1-5. саман̣асутта̄диван̣н̣ана̄

82-86. чатуттхасса пат̣хаме самма̄ а̄да̄нам̣ гахан̣ам̣ сама̄да̄нанти а̄ха ‘‘сама̄да̄нам̣ вуччати гахан̣а’’нти. адхикам̣ висит̣т̣хам̣ сӣланти адхисӣлам̣. локийасӣласса адхисӣлабха̄во парийа̄йена̄ти ниппарийа̄йамева там̣ дассетум̣ ‘‘апича саббампи локийасӣла’’нтиа̄ди вуттам̣. сиккхитаббатоти а̄севитаббато. пан̃чапи дасапи ва̄ сӣла̄ни сӣлам̣ на̄ма, па̄тимоккхасам̣варо адхисӣлам̣ на̄ма анавасесака̄йикачетасикасам̣варабха̄вато маггасӣласса падат̣т̣ха̄набха̄вато ча. ат̣т̣ха сама̄паттийо читтам̣, випассана̄па̄дакаджджха̄нам̣ адхичиттам̣ маггасама̄дхисса адхит̣т̣ха̄набха̄вато. каммассакатан̃а̄н̣ам̣ пан̃н̃а̄, випассана̄ адхипан̃н̃а̄ маггапан̃н̃а̄йа адхит̣т̣ха̄набха̄вато. апича нибба̄нам̣ паттхайантена сама̄диннам̣ пан̃часӣлам̣ дасасӣлампи адхисӣламева нибба̄на̄дхигамасса паччайабха̄вато. нибба̄нам̣ паттхайантена сама̄панна̄ ат̣т̣ха сама̄паттийопи адхичиттамева.

‘‘калйа̄н̣ака̄рӣ калйа̄н̣ам̣, па̄пака̄рӣ ча па̄пакам̣;

анубхоти двайаметам̣, анубандхан̃хи ка̄ран̣а’’нти. –

евам̣ атӣте ана̄гате ча ват̣т̣амӯлакадуккхасаллаккхан̣авасена сам̣вегаваттхута̄йа вимуттиа̄кан̇кха̄йа паччайабхӯта̄ каммассакатапан̃н̃а̄пи адхипан̃н̃а̄ти ваданти. дутийататийачатуттхапан̃чама̄ни утта̄наттха̄нева.

саман̣асутта̄диван̣н̣ана̄ нит̣т̣хита̄.