6. ка̄л̣ӣсуттаван̣н̣ана̄

26. чхат̣т̣хе аттхасса паттинти екантато хита̄нуппаттим̣. хадайасса сантинти парамачиттӯпасамам̣. килесасенанти ка̄магун̣асан̇кха̄там̣ пат̣хамам̣ килесасенам̣. са̄ хи килесасена̄ аччхара̄сан̇гха̄тасабха̄ва̄пи пат̣ипаттхайама̄на̄ пийа̄йитаббаиччхитаббарӯпасабха̄вато пийарӯпаса̄тарӯпа̄ на̄ма аттано киччавасена. ахам̣ екова джха̄йантоти ахам̣ ган̣асан̇ган̣ика̄йа килесасан̇ган̣ика̄йа ча абха̄вато еко асаха̄йо лаккхан̣ӯпаниджджха̄нена джха̄йанто. анубуджджхинти ануккамена маггапат̣ипа̄т̣ийа̄ буджджхим̣ пат̣ивиджджхим̣. идам̣ вуттам̣ хоти – пийарӯпам̣ са̄тарӯпам̣ сенам̣ джинитва̄ ахам̣ екова джха̄йанто ‘‘аттхасса паттим̣ хадайасса санти’’нти сан̇кхам̣ гатам̣ арахаттасукхам̣ пат̣ивиджджхим̣, тасма̄ джанена миттасантхавам̣ на кароми, тенева ча ме ка̄ран̣ена кеначи саддхим̣ саккхӣ на сампаджджатӣти. аттха̄бхиниббаттесунти итисаддалопена̄йам̣ ниддесоти а̄ха ‘‘аттхоти гахетва̄’’ти.

ка̄л̣ӣсуттаван̣н̣ана̄ нит̣т̣хита̄.