20. аматаваггаван̣н̣ана̄

600-611. наттхи еттха матам̣ маран̣ам̣ вина̄соти аматам̣, нибба̄нанти а̄ха – ‘‘маран̣авирахитам̣ нибба̄нам̣ парибхун̃джантӣ’’ти. аматасса ва̄ нибба̄насса адхигамахетута̄йа аматасадисаатаппакасукхапатитата̄йа ча ка̄йагата̄сати ‘‘амата’’нти вутта̄. парибхун̃джантӣти джха̄насама̄паджджанена вал̣ан̃джанти. вираддханти анадхигамена вираджджхитам̣. тена̄ха – ‘‘вира̄дхитам̣ на̄дхигата’’нти. а̄раддханти са̄дхитам̣ ниппха̄дитам̣. тан̃ча парипун̣н̣ам̣ на̄ма хотӣти а̄ха – ‘‘а̄раддханти парипун̣н̣а’’нти. пама̄дим̣сӯти ка̄лабйаттайенедам̣ вуттанти а̄ха – ‘‘памаджджантӣ’’ти.

аматаваггаван̣н̣ана̄ нит̣т̣хита̄.

ити маноратхапӯран̣ийа̄ ан̇гуттараника̄йа-ат̣т̣хакатха̄йа

екаканипа̄таван̣н̣ана̄йа анутта̄наттхадӣпана̄ саматта̄.

пат̣хамо бха̄го нит̣т̣хито.