17. паса̄дакарадхаммаваггаван̣н̣ана̄

366. аддхамиданти сандхивасена па̄л̣ийам̣ рассам̣ катва̄ вуттам̣, ма-ка̄ро падасандхикароти а̄ха – ‘‘аддха̄ ида’’нти. екам̣со еса̄ти екам̣со хету еса ла̄бха̄нам̣. па̄пакам̣ на̄ма̄ти аппакампи па̄пам̣ на̄ма бйаттам̣ екам̣сена на кароти. татхасса̄ти татха̄ самма̄пат̣ипаджджама̄насса асса. а̄ран̃н̃икаттам̣…пе… течӣварикаттанти имесам̣ дхутадхамма̄нам̣ гахан̣енева итаресампи там̣сабха̄га̄нам̣ гахитабха̄во дат̣т̣хаббо. тха̄вараппаттабха̄воти са̄сане тхирабха̄ваппатти тхерабха̄во. а̄каппасса сампаттӣти ‘‘ан̃н̃о ме а̄каппо каран̣ӣйо’’ти евам̣ вуттасса а̄каппасса сампатти. колапуттӣти колапуттийанти а̄ха – ‘‘кулапуттабха̄во’’ти. сампаннарӯпата̄ти упадхисампада̄. вачанакирийа̄йа̄ти вачанаппайогасса мадхурабха̄во ман̃джуссарата̄. тенасса ла̄бхо уппаджджатӣти идам̣ на ла̄бхуппа̄данӯпа̄йадассанапарам̣, атха кхо евам̣ самма̄пат̣ипаджджама̄насса аниччхантассева ла̄бхо уппаджджатӣти ла̄бхасса абйабхича̄рахетудассанапарам̣ дат̣т̣хаббам̣. йатха̄ха –

‘‘а̄кан̇кхеййа че, бхиккхаве, бхиккху ла̄бхӣ ассам̣ чӣварапин̣д̣апа̄тасена̄санагила̄наппаччайабхесаджджапариккха̄ра̄нанти, сӣлесвевасса парипӯрака̄рӣ’’ти (ма. ни. 1.65).

паса̄дакарадхаммаваггаван̣н̣ана̄ нит̣т̣хита̄.