нигаманакатха̄ван̣н̣ана̄

1401. суматимативича̄рабодханоти суматӣнам̣ сундарапан̃н̃а̄нам̣ кавӣнам̣ матийа̄ вича̄расса бодхано. вимативимохавина̄саноти виматӣнам̣ ба̄ла̄нам̣ вимохасса вина̄сано. куматиматимаха̄тамона̄соти куматӣнам̣ ба̄ла̄нам̣ маха̄тамасаннибха̄йа матийа̄ на̄сако. пат̣уматибха̄сакароти пат̣ӯнам̣ пан̣д̣ита̄нам̣ тиккхапан̃н̃а̄йа обха̄сакаро.

1402. суматина̄мако бхиккху асама̄нато асадиса̄йа пӯджа̄йа мама а̄йа̄чито йато йасма̄ ка̄ран̣а̄, тато тасма̄ ка̄ран̣а̄ айам̣ абхидхамма̄вата̄ро. пада̄то пада̄ти кот̣т̣ха̄сато кот̣т̣ха̄сато. хитавибха̄вана̄ бха̄вана̄ти хитаппака̄сана̄йа бха̄вана̄йа майа̄ рачито. атха ва̄ ахам̣ суматина̄ бхиккхуна̄ асама̄нато ма̄нато а̄йа̄чито йато йасма̄, тато тасма̄.

1405. тивидха̄ бйаппатха̄нан̃хи гатийоти бйаппатха̄нам̣ вачана̄нам̣ аттхагантхайуттивасена тивидха̄ гатийо.

1406. ника̄йантараладдхӣхӣти ан̃н̃асмим̣ ника̄йе ладдхӣхи. ва̄чана̄магганисситоти вачанаппабандханиссито.

1410. асам̣кин̣н̣акула̄кулети асаммиссакулехи а̄кин̣н̣е. супасаннаситодакети мадхурасӣтодаке.

1411. сан̇кат̣ети самба̄дхе.

1412. кела̄сасикхара̄ка̄рапа̄са̄дапат̣иман̣д̣итети раджатапаббатаматтхаканибхехи па̄са̄дехи алан̇кате.

1413. вивидха̄ка̄рача̄рупа̄ка̄рагопурети вивидхасан̣т̣ха̄наманун̃н̃апа̄ка̄радва̄ракот̣т̣хаке.

1414. саллекха̄ти саллекхавутти. са̄кхалйети сакхилабха̄ве. сата̄ти сатисампаннена.

1415. вассавала̄хака̄ дева̄ти вассавала̄хакабхӯта̄ дева̄ амара̄.

нигаманакатха̄ван̣н̣ана̄ нит̣т̣хита̄.

абхидхамма̄вата̄рапура̄н̣ат̣ӣка̄ нит̣т̣хита̄.

намо тасса бхагавато арахато самма̄самбуддхасса

абхидхамма̄вата̄ра-абхинават̣ӣка̄

(пат̣хамо бха̄го)

гантха̄рамбхакатха̄

(ка) висуддхакарун̣а̄н̃а̄н̣ам̣, буддхам̣ самбуддхапӯджитам̣;

дхаммам̣ саддхаммасамбхӯтам̣, ванде сам̣гхам̣ ниран̇ган̣ам̣.

(кха) са̄рипуттам̣ маха̄тхерам̣, парийаттивиса̄радам̣;

нама̄ми сантавуттим̣ ме, гурум̣ га̄равабха̄джанам̣.

(га) вандантена майа̄ евам̣,

йа̄ ладдха̄ пун̃н̃асампада̄;

хитва̄ тасса̄нубха̄вена,

антара̄йе асесато.

(гха) маха̄виха̄рава̄сӣнам̣, тхера̄нам̣ тхирасӣлинам̣;

вам̣са̄лан̇ка̄рабхӯтена, бхӯта̄нуггахака̄рина̄.

(н̇а) тхерена буддхадаттена, рачитам̣ йам̣ манорамам̣;

пит̣аке абхидхаммасмим̣, ота̄рупа̄йабха̄вато.

(ча) абхидхамма̄вата̄роти, ладдхана̄мена виссутам̣;

на̄на̄нипун̣агамбхӣранайам̣ пакаран̣уттамам̣.

(чха) аттхасам̣ван̣н̣анам̣ тасса, а̄рабхиссам̣ йатха̄балам̣;

па̄моджджаджананаттха̄йа, а̄бхидхаммикабхиккхунанти.