23. тевӣсатимо париччхедо

килесапаха̄наниддесаван̣н̣ана̄

1375. идха пана имасмим̣ пана̄дхика̄ре ка̄ран̣ӯпача̄рена ла̄бха̄дика̄ран̣асса воха̄рена, ла̄бхо а̄ди ваттху йасса анунайасса̄ти ла̄бха̄диваттхуко, тасса.

сукхума̄ти ка̄мара̄гапат̣игха̄ сукхума̄.

1376. йена йена пат̣хамамагга̄дин̃а̄н̣ена йо йо сам̣йоджана̄дико паха̄таббо дхаммо гха̄там̣ вина̄сам̣ йа̄ти, со со дхаммо тена тена асесена н̃а̄н̣ена евам̣ са̄дху майа̄ сандассито.

1383. парин̃н̃а̄бхисамайена̄ти париччхиндитва̄ джа̄нанена. дуккхам̣ абхисаметӣти дуккхам̣ пат̣ивиджджхати.

1394. йо йогӣ имам̣ видитва̄ хитабха̄ванам̣ ванам̣ ванетаббам̣ видитва̄ джа̄нитва̄ ве екантена сукхасам̣хитам̣ хитам̣ упети, читтасса тамам̣ ануттамам̣ хӣнам̣ видхӯйа вина̄сетва̄ авиггахакампадам̣ падам̣ авиггахакам̣ сарӣрарахитам̣ падам̣ пат̣ипаджджитаббам̣ н̃а̄таббам̣ падам̣ нибба̄нам̣ упети па̄пун̣а̄ти ча.

ити абхидхамма̄вата̄рат̣ӣка̄йа

килесапаха̄наниддесаван̣н̣ана̄ нит̣т̣хита̄.

тевӣсатимо париччхедо.