4. падасуттам̣

524. ‘‘сеййатха̄пи, бхиккхаве, йа̄ни ка̄ничи джан̇гала̄нам̣ [джан̇гама̄нам̣ (сӣ. пӣ.)] па̄н̣а̄нам̣ пададжа̄та̄ни сабба̄ни та̄ни хаттхипаде самодха̄нам̣ гаччханти, хаттхипадам̣ тесам̣ аггамаккха̄йати, йадидам̣ – махантаттена; евамева кхо, бхиккхаве, йа̄ни ка̄ничи пада̄ни бодха̄йа сам̣ваттанти, пан̃н̃индрийам̣ падам̣ тесам̣ аггамаккха̄йати, йадидам̣ – бодха̄йа. катама̄ни ча, бхиккхаве, пада̄ни бодха̄йа сам̣ваттанти? саддхиндрийам̣, бхиккхаве, падам̣, там̣ бодха̄йа сам̣ваттати; вӣрийиндрийам̣ падам̣, там̣ бодха̄йа сам̣ваттати; сатиндрийам̣ падам̣, там̣ бодха̄йа сам̣ваттати; сама̄дхиндрийам̣ падам̣, там̣ бодха̄йа сам̣ваттати; пан̃н̃индрийам̣ падам̣, там̣ бодха̄йа сам̣ваттати. сеййатха̄пи, бхиккхаве, йа̄ни ка̄ничи джан̇гала̄нам̣ па̄н̣а̄нам̣ пададжа̄та̄ни сабба̄ни та̄ни хаттхипаде самодха̄нам̣ гаччханти, хаттхипадам̣ тесам̣ аггамаккха̄йати, йадидам̣ – махантаттена; евамева кхо, бхиккхаве, йа̄ни ка̄ничи пада̄ни бодха̄йа сам̣ваттанти, пан̃н̃индрийам̣ падам̣ тесам̣ аггамаккха̄йати, йадидам̣ – бодха̄йа̄’’ти. чатуттхам̣.