2. малликасуттам̣

522. евам̣ ме сутам̣ – екам̣ самайам̣ бхагава̄ маллесу [маллакесу (сӣ. сйа̄. кам̣.), малликесу (ка.)] вихарати урувелакаппам̣ на̄ма малла̄нам̣ нигамо. татра кхо бхагава̄ бхиккхӯ а̄мантеси – ‘‘йа̄вакӣван̃ча, бхиккхаве, арийаса̄вакасса арийан̃а̄н̣ам̣ на уппаннам̣ хоти нева та̄ва чатуннам̣ индрийа̄нам̣ сан̣т̣хити хоти, нева та̄ва чатуннам̣ индрийа̄нам̣ ават̣т̣хити хоти. йато ча кхо, бхиккхаве, арийаса̄вакасса арийан̃а̄н̣ам̣ уппаннам̣ хоти, атха чатуннам̣ индрийа̄нам̣ сан̣т̣хити хоти, атха чатуннам̣ индрийа̄нам̣ ават̣т̣хити хоти’’.

‘‘сеййатха̄пи, бхиккхаве, йа̄вакӣван̃ча кӯт̣а̄га̄расса кӯт̣ам̣ на усситам̣ хоти, нева та̄ва гопа̄насӣнам̣ сан̣т̣хити хоти, нева та̄ва гопа̄насӣнам̣ ават̣т̣хити хоти. йато ча кхо, бхиккхаве, кӯт̣а̄га̄расса кӯт̣ам̣ усситам̣ хоти, атха гопа̄насӣнам̣ сан̣т̣хити хоти, атха гопа̄насӣнам̣ ават̣т̣хити хоти. евамева кхо, бхиккхаве, йа̄вакӣван̃ча арийаса̄вакасса арийан̃а̄н̣ам̣ на уппаннам̣ хоти, нева та̄ва чатуннам̣ индрийа̄нам̣ сан̣т̣хити хоти, нева та̄ва чатуннам̣ индрийа̄нам̣ ават̣т̣хити хоти. йато ча кхо, бхиккхаве, арийаса̄вакасса арийан̃а̄н̣ам̣ уппаннам̣ хоти, атха чатуннам̣ индрийа̄нам̣…пе… ават̣т̣хити хоти.

‘‘катамесам̣ чатуннам̣? саддхиндрийасса, вӣрийиндрийасса, сатиндрийасса, сама̄дхиндрийасса. пан̃н̃авато, бхиккхаве, арийаса̄вакасса таданвайа̄ саддха̄ сан̣т̣ха̄ти, таданвайам̣ вӣрийам̣ сан̣т̣ха̄ти, таданвайа̄ сати сан̣т̣ха̄ти, таданвайо сама̄дхи сан̣т̣ха̄тӣ’’ти. дутийам̣.