7. дутийасаман̣абра̄хман̣асуттам̣

477. ‘‘йе хи кечи, бхиккхаве, саман̣а̄ ва̄ бра̄хман̣а̄ ва̄ саддхиндрийам̣ наппаджа̄нанти, саддхиндрийасамудайам̣ наппаджа̄нанти, саддхиндрийаниродхам̣ наппаджа̄нанти, саддхиндрийаниродхага̄миним̣ пат̣ипадам̣ наппаджа̄нанти; вӣрийиндрийам̣ наппаджа̄нанти…пе… сатиндрийам̣ наппаджа̄нанти …пе… сама̄дхиндрийам̣ наппаджа̄нанти…пе… пан̃н̃индрийам̣ наппаджа̄нанти, пан̃н̃индрийасамудайам̣ наппаджа̄нанти, пан̃н̃индрийаниродхам̣ наппаджа̄нанти, пан̃н̃индрийаниродхага̄миним̣ пат̣ипадам̣ наппаджа̄нанти, на ме те, бхиккхаве саман̣а̄ ва̄ бра̄хман̣а̄ ва̄ саман̣есу ва̄ саман̣асаммата̄ бра̄хман̣есу ва̄ бра̄хман̣асаммата̄, на ча панете а̄йасманто са̄ман̃н̃аттхам̣ ва̄ брахман̃н̃аттхам̣ ва̄ дит̣т̣хева дхамме сайам̣ абхин̃н̃а̄ саччхикатва̄ упасампаджджа вихаранти.

‘‘йе ча кхо кечи, бхиккхаве, саман̣а̄ ва̄ бра̄хман̣а̄ ва̄ саддхиндрийам̣ паджа̄нанти, саддхиндрийасамудайам̣ паджа̄нанти, саддхиндрийаниродхам̣ паджа̄нанти, саддхиндрийаниродхага̄миним̣ пат̣ипадам̣ паджа̄нанти; вӣрийиндрийам̣ паджа̄нанти, вӣрийиндрийасамудайам̣ паджа̄нанти, вӣрийиндрийаниродхам̣ паджа̄нанти, вӣрийиндрийаниродхага̄миним̣ пат̣ипадам̣ паджа̄нанти; сатиндрийам̣ паджа̄нанти…пе… сама̄дхиндрийам̣ паджа̄нанти…пе… пан̃н̃индрийам̣ паджа̄нанти, пан̃н̃индрийасамудайам̣ паджа̄нанти, пан̃н̃индрийаниродхам̣ паджа̄нанти, пан̃н̃индрийаниродхага̄миним̣ пат̣ипадам̣ паджа̄нанти, те кхо ме, бхиккхаве, саман̣а̄ ва̄ бра̄хман̣а̄ ва̄ саман̣есу чева саман̣асаммата̄ бра̄хман̣есу ча бра̄хман̣асаммата̄, те ча пана̄йасманто са̄ман̃н̃аттхан̃ча брахман̃н̃аттхан̃ча дит̣т̣хева дхамме сайам̣ абхин̃н̃а̄ саччхикатва̄ упасампаджджа вихарантӣ’’ти. саттамам̣.