4. дуппан̃н̃асуттам̣

225. атха кхо ан̃н̃атаро бхиккху йена бхагава̄ тенупасан̇ками…пе… екамантам̣ нисинно кхо со бхиккху бхагавантам̣ етадавоча – ‘‘‘дуппан̃н̃о ел̣амӯго, дуппан̃н̃о ел̣амӯго’ти, бханте, вуччати. китта̄вата̄ ну кхо, бханте, ‘дуппан̃н̃о ел̣амӯго’ти вуччатӣ’’ти? ‘‘саттаннам̣ кхо, бхиккху, боджджхан̇га̄нам̣ абха̄витатта̄ абахулӣкататта̄ ‘дуппан̃н̃о ел̣амӯго’ти вуччати. катамесам̣ саттаннам̣? сатисамбоджджхан̇гасса…пе… упеккха̄самбоджджхан̇гасса – имесам̣ кхо, бхиккху, саттаннам̣ боджджхан̇га̄нам̣ абха̄витатта̄ абахулӣкататта̄ ‘дуппан̃н̃о ел̣амӯго’ти вуччатӣ’’ти. чатуттхам̣.