4. айонисоманасика̄расуттам̣

205. ‘‘айонисо, бхиккхаве, манасикарото ануппанно чева ка̄маччхандо уппаджджати, уппанно ча ка̄маччхандо бхиййобха̄ва̄йа вепулла̄йа сам̣ваттати; ануппанно чева бйа̄па̄до уппаджджати, уппанно ча бйа̄па̄до бхиййобха̄ва̄йа вепулла̄йа сам̣ваттати; ануппаннан̃чева тхинамиддхам̣ уппаджджати, уппаннан̃ча тхинамиддхам̣ бхиййобха̄ва̄йа вепулла̄йа сам̣ваттати; ануппаннан̃чева уддхаччакуккуччам̣ уппаджджати, уппаннан̃ча уддхаччакуккуччам̣ бхиййобха̄ва̄йа вепулла̄йа сам̣ваттати; ануппанна̄ чева вичикиччха̄ уппаджджати, уппанна̄ ча вичикиччха̄ бхиййобха̄ва̄йа вепулла̄йа сам̣ваттати; ануппанно чева сатисамбоджджхан̇го нуппаджджати, уппанно ча сатисамбоджджхан̇го нируджджхати…пе… ануппанно чева упеккха̄самбоджджхан̇го нуппаджджати, уппанно ча упеккха̄самбоджджхан̇го нируджджхати.

йонисо ча кхо, бхиккхаве, манасикарото ануппанно чева ка̄маччхандо нуппаджджати, уппанно ча ка̄маччхандо пахӣйати; ануппанно чева бйа̄па̄до нуппаджджати, уппанно ча бйа̄па̄до пахӣйати; ануппаннан̃чева тхинамиддхам̣ нуппаджджати, уппаннан̃ча тхинамиддхам̣ пахӣйати; ануппаннан̃чева уддхаччакуккуччам̣ нуппаджджати, уппаннан̃ча уддхаччакуккуччам̣ пахӣйати; ануппанна̄ чева вичикиччха̄ нуппаджджати, уппанна̄ ча вичикиччха̄ пахӣйати.

‘‘ануппанно чева сатисамбоджджхан̇го уппаджджати, уппанно ча сатисамбоджджхан̇го бха̄вана̄па̄рипӯрим̣ гаччхати…пе… ануппанно чева упеккха̄самбоджджхан̇го уппаджджати, уппанно ча упеккха̄самбоджджхан̇го бха̄вана̄па̄рипӯрим̣ гаччхатӣ’’ти. чатуттхам̣.