7. пат̣хамамаха̄самуддасуттам̣

1127. ‘‘сеййатха̄пи, бхиккхаве, пурисо маха̄самуддато две ва̄ тӣн̣и ва̄ удакапхусита̄ни уддхареййа. там̣ ким̣ ман̃н̃атха, бхиккхаве, катамам̣ ну кхо бахутарам̣ – йа̄ни две ва̄ тӣн̣и ва̄ удакапхусита̄ни уббхата̄ни, йам̣ ва̄ маха̄самудде удака’’нти? ‘‘етадева, бханте, бахутарам̣, йадидам̣ – маха̄самудде удакам̣; аппаматтака̄ни две ва̄ тӣн̣и ва̄ удакапхусита̄ни уббхата̄ни. сан̇кхампи на упенти, упанидхампи на упенти, калабха̄гампи на упенти маха̄самудде удакам̣ упанидха̄йа две ва̄ тӣн̣и ва̄ удакапхусита̄ни уббхата̄нӣ’’ти. ‘‘евамева кхо, бхиккхаве, арийаса̄вакасса…пе… його каран̣ӣйо’’ти. саттамам̣.