7. пат̣хамасӯрийасуттам̣

1107. ‘‘сӯрийасса [сурийасса (сӣ. сйа̄. кам̣. пӣ.)], бхиккхаве, удайато етам̣ пуббан̇гамам̣ етам̣ пуббанимиттам̣, йадидам̣ – арун̣уггам̣. евамева кхо, бхиккхаве, бхиккхуно чатуннам̣ арийасачча̄нам̣ йатха̄бхӯтам̣ абхисамайа̄йа етам̣ пуббан̇гамам̣ етам̣ пуббанимиттам̣, йадидам̣ – самма̄дит̣т̣хи. тассетам̣ бхиккхаве, бхиккхуно па̄т̣икан̇кхам̣ – ‘идам̣ дуккха’нти йатха̄бхӯтам̣ паджа̄ниссати…пе… ‘айам̣ дуккханиродхага̄минӣ пат̣ипада̄’ти йатха̄бхӯтам̣ паджа̄ниссати.

‘‘тасма̄тиха, бхиккхаве, ‘идам̣ дуккха’нти його каран̣ӣйо…пе… ‘айам̣ дуккханиродхага̄минӣ пат̣ипада̄’ти його каран̣ӣйо’’ти. саттамам̣.