5. пат̣хамадха̄ран̣асуттам̣

1085. ‘‘дха̄ретха но тумхе, бхиккхаве, майа̄ чатта̄ри арийасачча̄ни десита̄нӣ’’ти? евам̣ вутте ан̃н̃атаро бхиккху бхагавантам̣ етадавоча – ‘‘ахам̣ кхо, бханте, дха̄реми бхагавата̄ чатта̄ри арийасачча̄ни десита̄нӣ’’ти. ‘‘йатха̄ катхам̣ пана твам̣, бхиккху, дха̄реси майа̄ чатта̄ри арийасачча̄ни десита̄нӣ’’ти? ‘‘дуккхам̣ кхва̄хам̣, бханте, бхагавата̄ пат̣хамам̣ арийасаччам̣ деситам̣ дха̄реми; дуккхасамудайам̣ кхва̄хам̣, бханте, бхагавата̄ дутийам̣ арийасаччам̣ деситам̣ дха̄реми; дуккханиродхам̣ кхва̄хам̣, бханте, бхагавата̄ татийам̣ арийасаччам̣ деситам̣ дха̄реми; дуккханиродхага̄миним̣ пат̣ипадам̣ кхва̄хам̣, бханте, бхагавата̄ чатуттхам̣ арийасаччам̣ деситам̣ дха̄реми. евам̣ кхва̄хам̣, бханте, дха̄реми бхагавата̄ чатта̄ри арийасачча̄ни десита̄нӣ’’ти.

‘‘са̄дху са̄дху, бхиккху! са̄дху кхо твам̣, бхиккху, дха̄реси майа̄ чатта̄ри арийасачча̄ни десита̄нӣти. дуккхам̣ кхо, бхиккху, майа̄ пат̣хамам̣ арийасаччам̣ деситам̣, татха̄ нам̣ дха̄рехи; дуккхасамудайам̣ [дуккхасамудайо (сйа̄. кам̣.)] кхо, бхиккху, майа̄ дутийам̣ арийасаччам̣ деситам̣, татха̄ нам̣ дха̄рехи; дуккханиродхам̣ [дуккханиродхо (сйа̄. кам̣.)] кхо, бхиккху, майа̄ татийам̣ арийасаччам̣ деситам̣, татха̄ нам̣ дха̄рехи; дуккханиродхага̄минӣ пат̣ипада̄ [дуккханиродхага̄минипат̣ипадам̣ (пӣ.), дуккханиродхага̄миним̣ пат̣ипадам̣ (ка.)] кхо, бхиккху, майа̄ чатуттхам̣ арийасаччам̣ деситам̣, татха̄ нам̣ дха̄рехи. евам̣ кхо, бхиккху, дха̄рехи майа̄ чатта̄ри арийасачча̄ни десита̄нӣти.

‘‘тасма̄тиха, бхиккху, ‘идам̣ дуккха’нти його каран̣ӣйо…пе… ‘айам̣ дуккханиродхага̄минӣ пат̣ипада̄’ти його каран̣ӣйо’’ти. пан̃чамам̣.