7. кумбхасуттам̣

27. са̄ваттхинида̄нам̣. ‘‘сеййатха̄пи, бхиккхаве, кумбхо ана̄дха̄ро суппаваттийо хоти, са̄дха̄ро дуппаваттийо хоти; евамева кхо, бхиккхаве, читтам̣ ана̄дха̄рам̣ суппаваттийам̣ хоти, са̄дха̄рам̣ дуппаваттийам̣ хоти. ко ча, бхиккхаве, читтасса а̄дха̄ро? айамева арийо ат̣т̣хан̇гико магго, сеййатхидам̣ – самма̄дит̣т̣хи…пе… самма̄сама̄дхи. айам̣ читтасса а̄дха̄ро. сеййатха̄пи, бхиккхаве, кумбхо ана̄дха̄ро суппаваттийо хоти, са̄дха̄ро дуппаваттийо хоти; евамева кхо, бхиккхаве, читтам̣ ана̄дха̄рам̣ суппаваттийам̣ хоти, са̄дха̄рам̣ дуппаваттийам̣ хотӣ’’ти. саттамам̣.