10. уддхамбха̄гийасуттам̣

181. ‘‘пан̃чима̄ни, бхиккхаве, уддхамбха̄гийа̄ни сам̣йоджана̄ни. катама̄ни пан̃ча? рӯпара̄го, арӯпара̄го, ма̄но, уддхаччам̣, авиджджа̄ – има̄ни кхо, бхиккхаве, пан̃чуддхамбха̄гийа̄ни сам̣йоджана̄ни. имесам̣ кхо, бхиккхаве, пан̃чаннам̣ уддхамбха̄гийа̄нам̣ сам̣йоджана̄нам̣ абхин̃н̃а̄йа парин̃н̃а̄йа париккхайа̄йа паха̄на̄йа арийо ат̣т̣хан̇гико магго бха̄ветаббо. катамо арийо ат̣т̣хан̇гико магго? идха, бхиккхаве, бхиккху самма̄дит̣т̣хим̣ бха̄вети вивеканисситам̣…пе… самма̄сама̄дхим̣ бха̄вети вивеканисситам̣ вира̄ганисситам̣ ниродханисситам̣ воссаггапарин̣а̄мим̣. имесам̣ кхо, бхиккхаве, пан̃чаннам̣ уддхамбха̄гийа̄нам̣ сам̣йоджана̄нам̣ абхин̃н̃а̄йа парин̃н̃а̄йа париккхайа̄йа паха̄на̄йа айам̣ арийо ат̣т̣хан̇гико магго бха̄ветаббо’’ти.

‘‘пан̃чима̄ни, бхиккхаве, уддхамбха̄гийа̄ни сам̣йоджана̄ни. катама̄ни пан̃ча? рӯпара̄го, арӯпара̄го, ма̄но, уддхаччам̣, авиджджа̄ – има̄ни кхо, бхиккхаве, пан̃чуддхамбха̄гийа̄ни сам̣йоджана̄ни. имесам̣ кхо, бхиккхаве, пан̃чаннам̣ уддхамбха̄гийа̄нам̣ сам̣йоджана̄нам̣ абхин̃н̃а̄йа парин̃н̃а̄йа париккхайа̄йа паха̄на̄йа арийо ат̣т̣хан̇гико магго бха̄ветаббо. катамо арийо ат̣т̣хан̇гико магго? идха, бхиккхаве, бхиккху самма̄дит̣т̣хим̣ бха̄вети…пе… самма̄сама̄дхим̣ бха̄вети ра̄гавинайапарийоса̄нам̣ досавинайапарийоса̄нам̣ мохавинайапарийоса̄нам̣… аматогадхам̣ аматапара̄йанам̣ аматапарийоса̄нам̣… нибба̄наниннам̣ нибба̄напон̣ам̣ нибба̄напаббха̄рам̣. имесам̣ кхо, бхиккхаве, пан̃чаннам̣ уддхамбха̄гийа̄нам̣ сам̣йоджана̄нам̣ абхин̃н̃а̄йа парин̃н̃а̄йа париккхайа̄йа паха̄на̄йа айам̣ арийо ат̣т̣хан̇гико магго бха̄ветаббо’’ти. дасамам̣.

огхавагго ат̣т̣хамо.

тассудда̄нам̣ –

огхо його упа̄да̄нам̣, гантхам̣ анусайена ча;

ка̄магун̣а̄ нӣваран̣ам̣, кхандха̄ оруддхамбха̄гийа̄ти.

ваггудда̄нам̣ –

авиджджа̄вагго пат̣хамо, дутийам̣ виха̄рам̣ вуччати;

миччхаттам̣ татийо вагго, чатуттхам̣ пат̣ипанненева.

титтхийам̣ пан̃чамо вагго, чхат̣т̣хо сӯрийена ча;

бахукате саттамо вагго, уппа̄до ат̣т̣хамена ча.

дивасавагго навамо, дасамо аппама̄дена ча;

ека̄дасабалавагго, два̄даса есана̄ па̄л̣ийам̣;

огхавагго бхавати тераса̄ти.

маггасам̣йуттам̣ пат̣хамам̣.