7. дутийаан̃н̃атарабхиккхусуттам̣

7. са̄ваттхинида̄нам̣. атха кхо ан̃н̃атаро бхиккху йена бхагава̄ тенупасан̇ками…пе… екамантам̣ нисинно кхо со бхиккху бхагавантам̣ етадавоча –

‘‘‘ра̄гавинайо досавинайо мохавинайо’ти, бханте, вуччати. кисса ну кхо етам̣, бханте, адхивачанам̣ – ‘ра̄гавинайо досавинайо мохавинайо’’’ти? ‘‘нибба̄надха̄туйа̄ кхо етам̣, бхиккху, адхивачанам̣ – ‘ра̄гавинайо досавинайо мохавинайо’ти. а̄сава̄нам̣ кхайо тена вуччатӣ’’ти.

евам̣ вутте со бхиккху бхагавантам̣ етадавоча – ‘‘‘аматам̣, амата’нти, бханте, вуччати. катамам̣ ну кхо, бханте, аматам̣, катамо аматага̄мимагго’’ти? ‘‘йо кхо, бхиккху, ра̄гаккхайо досаккхайо мохаккхайо – идам̣ вуччати аматам̣. айамева арийо ат̣т̣хан̇гико магго аматага̄мимагго, сеййатхидам̣ – самма̄дит̣т̣хи…пе… самма̄сама̄дхӣ’’ти. саттамам̣.