4. тӣхидхаммехисуттам̣

283. ‘‘тӣхи, бхиккхаве, дхаммехи саманна̄гато ма̄туга̄мо йебхуййена ка̄йасса бхеда̄ парам̣ маран̣а̄ апа̄йам̣ дуггатим̣ винипа̄там̣ нирайам̣ упападжджати. катамехи тӣхи? идха, бхиккхаве, ма̄туга̄мо пуббан̣хасамайам̣ маччхерамалапарийут̣т̣хитена четаса̄ ага̄рам̣ аджджха̄васати. маджджханхикасамайам̣ исса̄парийут̣т̣хитена четаса̄ ага̄рам̣ аджджха̄васати. са̄йанхасамайам̣ ка̄мара̄гапарийут̣т̣хитена четаса̄ ага̄рам̣ аджджха̄васати. имехи кхо, бхиккхаве, тӣхи дхаммехи саманна̄гато ма̄туга̄мо йебхуййена ка̄йасса бхеда̄ парам̣ маран̣а̄ апа̄йам̣ дуггатим̣ винипа̄там̣ нирайам̣ упападжджатӣ’’ти. чатуттхам̣.