5. татийаса̄рипуттакот̣т̣хикасуттам̣

414. екам̣ самайам̣ а̄йасма̄ ча са̄рипутто, а̄йасма̄ ча маха̄кот̣т̣хико ба̄ра̄н̣асийам̣ вихаранти исипатане мигада̄йе…пе… (са̄йева пуччха̄) ‘‘ко ну кхо, а̄вусо, хету ко паччайо, йенетам̣ абйа̄катам̣ бхагавата̄’’ти? ‘‘рӯпе кхо, а̄вусо, авигатара̄гасса авигатаччхандасса авигатапемасса авигатапипа̄сасса авигатапарил̣а̄хасса авигататан̣хасса ‘хоти татха̄гато парам̣ маран̣а̄’типисса хоти…пе… ‘нева хоти на на хоти татха̄гато парам̣ маран̣а̄’типисса хоти. ведана̄йа…пе… сан̃н̃а̄йа…пе… сан̇кха̄ресу…пе… вин̃н̃а̄н̣е авигатара̄гасса авигатаччхандасса авигатапемасса авигатапипа̄сасса авигатапарил̣а̄хасса авигататан̣хасса ‘хоти татха̄гато парам̣ маран̣а̄’типисса хоти…пе… ‘нева хоти на на хоти татха̄гато парам̣ маран̣а̄’типисса хоти. рӯпе ча кхо, а̄вусо, вигатара̄гасса…пе… ведана̄йа…пе… сан̃н̃а̄йа…пе… сан̇кха̄ресу…пе… вин̃н̃а̄н̣е вигатара̄гасса вигатаччхандасса вигатапемасса вигатапипа̄сасса вигатапарил̣а̄хасса вигататан̣хасса ‘хоти татха̄гато парам̣ маран̣а̄’типисса на хоти…пе… ‘нева хоти на на хоти татха̄гато парам̣ маран̣а̄’типисса на хоти. айам̣ кхо, а̄вусо, хету, айам̣ паччайо, йенетам̣ абйа̄катам̣ бхагавата̄’’ти. пан̃чамам̣.