9. пат̣хамадвайасуттам̣

92. ‘‘двайам̣ во, бхиккхаве, десесса̄ми. там̣ сун̣а̄тха. кин̃ча, бхиккхаве, двайам̣? чаккхун̃чева рӯпа̄ ча, сотан̃чева садда̄ ча, гха̄нан̃чева гандха̄ ча, дживха̄ чева раса̄ ча, ка̄йо чева пхот̣т̣хабба̄ ча, мано чева дхамма̄ ча – идам̣ вуччати, бхиккхаве, двайам̣.

‘‘йо, бхиккхаве, евам̣ вадеййа – ‘ахаметам̣ двайам̣ паччаккха̄йа ан̃н̃ам̣ двайам̣ пан̃н̃апесса̄мӣ’ти, тасса ва̄ча̄ваттхукамевасса. пут̣т̣хо ча на сампа̄йеййа. уттарин̃ча вигха̄там̣ а̄паджджеййа. там̣ кисса хету? йатха̄ там̣, бхиккхаве, ависайасми’’нти. навамам̣.