2. сун̃н̃аталокасуттам̣

85. атха кхо а̄йасма̄ а̄нандо…пе… бхагавантам̣ етадавоча – ‘‘‘сун̃н̃о локо, сун̃н̃о локо’ти, бханте, вуччати. китта̄вата̄ ну кхо, бханте, сун̃н̃о локоти вуччатӣ’’ти? ‘‘йасма̄ ча кхо, а̄нанда, сун̃н̃ам̣ аттена ва̄ аттанийена ва̄ тасма̄ сун̃н̃о локоти вуччати. кин̃ча, а̄нанда, сун̃н̃ам̣ аттена ва̄ аттанийена ва̄? чаккху кхо, а̄нанда, сун̃н̃ам̣ аттена ва̄ аттанийена ва̄. рӯпа̄ сун̃н̃а̄ аттена ва̄ аттанийена ва̄, чаккхувин̃н̃а̄н̣ам̣ сун̃н̃ам̣ аттена ва̄ аттанийена ва̄, чаккхусампхассо сун̃н̃о аттена ва̄ аттанийена ва̄…пе… йампидам̣ маносампхассапаччайа̄ уппаджджати ведайитам̣ сукхам̣ ва̄ дуккхам̣ ва̄ адуккхамасукхам̣ ва̄ тампи сун̃н̃ам̣ аттена ва̄ аттанийена ва̄. йасма̄ ча кхо, а̄нанда, сун̃н̃ам̣ аттена ва̄ аттанийена ва̄, тасма̄ сун̃н̃о локоти вуччатӣ’’ти. дутийам̣.