3. сам̣йоджанасамуггха̄тасуттам̣

55. ‘‘катхам̣ ну кхо, бханте, джа̄нато, катхам̣ пассато сам̣йоджана̄ самуггха̄там̣ гаччхантӣ’’ти? ‘‘чаккхум̣ кхо, бхиккху, анаттато джа̄нато пассато сам̣йоджана̄ самуггха̄там̣ гаччханти. рӯпе анаттато… чаккхувин̃н̃а̄н̣ам̣… чаккхусампхассам̣… йампидам̣ чаккхусампхассапаччайа̄ уппаджджати ведайитам̣ сукхам̣ ва̄ дуккхам̣ ва̄ адуккхамасукхам̣ ва̄ тампи анаттато джа̄нато пассато сам̣йоджана̄ самуггха̄там̣ гаччханти. сотам̣… гха̄нам̣… дживхам̣… ка̄йам̣… манам̣… дхамме… мановин̃н̃а̄н̣ам̣… маносампхассам̣… йампидам̣ маносампхассапаччайа̄ уппаджджати ведайитам̣ сукхам̣ ва̄ дуккхам̣ ва̄ адуккхамасукхам̣ ва̄ тампи анаттато джа̄нато пассато сам̣йоджана̄ самуггха̄там̣ гаччханти. евам̣ кхо, бхиккху, джа̄нато евам̣ пассато сам̣йоджана̄ самуггха̄там̣ гаччхантӣ’’ти. татийам̣.